gwarowo

 

Nie jestem super expertem od gwary - ale z tego, co pamiętam z rodzinnych stron, wykorzystałam do napisania scenek w gwarze ślaskiej. Gdyby Ktoś chciał pomóc w udoskonaleniu warstwy językowej moich scenek, zapraszam do współpracy:)

„Krolywicz na ziorku wongla”

Narrator: Downo downo tymu, za gorami za lasami i za wszystkimi hołdami na grubie stoł pałac ze szczyrego złota, a w nim miyszkała cudno frelka co boła ksiynżniczkom. Ja!!! tak godali. Noi łona, ta frela, cołki dziyń paczała bez łokno i się stresowała…

Księżniczka: Jobych ino chciała już wiedzieć kej się wydom. Czekom i czekom na mojyego kśyńca z bajki a łonego niy ma. Kaj łoni wszyjscy lotajom, no kaj. Som tu jakiyś kandydaty, ale same ciaproki.

Kandydat nr 1: Łooo jakoś ty piykno, jako gryfno, a jako lokato! Weź sie mie, jo cie byda cołki czos nosiył  na rynkach, w każdyj izbie i na placu tyż. Byda ci dowoł kusiki i byda godoł jak ci pszaja.

Księżniczka: Ciebie chyba Piere na dekiel, jo tego niy chca, jeszcze mie ściepniesz ze słodow, się szczaskom kalfas i Połomia giyry, idź mi stond pryndko. Giździe jedyn. A Tyn tu czego?

Kandydat nr 2: Weź sie mie, jo ci byda szczewikiczki kupowoł, fajne szaty na bez tydziyeń i niedzyla. Torybki jakie bydziesz ino chciała i połno maszkietow.

Księżczniczka: Ja żebych boła rubo? Niey chca, niy chca. Pacz się stracić. A ty kajżeśmi tu przyloz w tych Chrabołach?

Kandydat nr 3: Jo się chca z Tobom łożynić. Byda ci zawsze rano do łoża przynosiył chlyb z tustym na śniadanie, na łobiod krupnioki a na kolacyjo szałot. Się bydziesz miała zy mnom jak ponczek w maśle.

Kandydat nr 4: Ja księżniczko, będę woził cię najlepszymi samochodami…

Księżniczka: Stoooop! Niyyyy!

Kandydat nr 4: Dlaczegóż?

Księżniczka: Boś ty je gorol!

Księżniczka: Jo już sama niye wia, jo by chciała richtich szwarnego chopa, takiego bohatyra coby cołki czos ino mie ratowoł.

Książę: No to byda jo!!! Pacz jakie jo mom miynśnie, jakie muskle, pacz ino, a tukej jakie… łobejrzij sie. Jo sie niczego nie boja, się zapamiyntej, niczego.

Księżniczka: Ani żodnygo smoka?

Książe: Żodnygo!

Księżniczka: Ani najgorszyj poczwary?

Książe: Żodnygo!

Księżniczka: Ani żodnygo pajonka?

Książe: Żodnygo!

Księżniczka: Ani żodnyj baby?

Książe: Niy! Ja! Ja babow to jo się łokropicnie boja.

Księżniczka: No to Tyś je moj jedyny!!! Dować sam pierzyny, zaro go położymy do betów. Niech się łodpocznie.

Pierzyny-ksiązę kładzie się, nie może spać, księżnicza wyszła.

Książę: Jo sie sam nie wyśpia, co to za zogowki? Ale twarde.

Księżniczka: No i co, wyspołeś sie?

Książę: Kaj tam, coś mie sam gniotło w plery. Co to boło w tych pierzinach?

Księżniczka: Jo niy wia…

Król: A jo wia, to naprowdy jest szczerozłoty ksionże, łon przez te wszystkie pierziny wymacoł wongiel. Się popacz, tukej leżoł, na dole. Jo go tam som wsadziył, bo chca zoboczyć, czy ty sie nadowosz na ksiyncia. No i musza pedzieć, że ja. Się możecie już zarozki żynić.

Księżniczka: Toś ty je taki wrażliwy, synek?

Książe: Ja no toć.

Księżniczka: I niyczego sie nie boisz.

Książę: No cołki czos ci już godom, że niy. Nic się niy boja nic a nic. Fajne mom muskle, kupiam sie chyba peleryna coby kożdy widzioł, że jo je taki gryfny, taki szwarny, taki no nojlepszy na świycie…. Jezdeś a co to?

Księżcznika: Niy wiam dobrze, pewnikiym mysz w komórce.

Książe: Co mysz jezderkusie cza sie pryndko skludzić

I przeróbka popularnej piosenki:

Jo Przaja jyj, łOna tukej je
i tańcuje dlo mjee,
bo przeca to wiy, że porwia joooomm,
i w sercu śkludzam na dnie. x2

„Djobły”

1. Diabły wpadają, straszom wszystkich widłami
2. Diobol 1. : My som djobły łokropicne AAAAA!!! Durch wszyndzie łaziymy i dusz Ślonzoków poszukujymy.
3. Dioboł 2 . : Się nom naojlepiyj podobajom, bo Ślonzoki uczciwe chopy i baby som.
4. Dioboł 3. : Momy tukej cyrofaf i kery go podpisze swojom krwiom, to już bydzie nasz na wieki. Jezdeś ale piyknie!!!
5. Djobły zacierają ręce , zaś straszą
6. Djobły; Ła ha ha, łu hu hu!!! Wszyjscy idom właśnie tu, a tu pikło, wielkie piekło, wcale wom się nie upyikło!!! Ha ha ha!!!! Już na widły i do smoły!!! Jak ta dusza twoja wściekło, to bierymy jom na piekło.
7. Djobły nagle się zatrzymują i wąchają
8. Djoboł 1: co tu tak wonio?
9. Djobol 2: Kule tu je jakiś anioł, paczcie tukej we krzokach!
10. Djobol 3: Drałujeymy nazot pryndko
11. Anioł wychodzi i zastawia im drogę
12. Anioł: a kaj wom się panocki, uwijo, wy gizdy jedne, lucyfery paskudne, co? może wom kołka pożyczyć? Co?
13. Djobły się bojom kulom
14. Anioł psyko je świynconym wodom
15. Anioł : a mocie tu troszka swiyntyj wody, z Anaberg żech przyniosł, nojlepszo na caluśkim świycie.
16. Djobły skulone, anioł staje za nimi i psyka je wodą święconą jak tylko się, który ciut wychyli
17.  Anioł do publiczności i co chwila psyko djobły: Jo żech wiedziała, że te diobły sam przyjdą, bez to zech się sam skludziyła i dowała pozór i łobejrzyjcie se je ino, co za pietrony, jo im dom dusze Ślonzoków, tukej tero bydziecie siedzieć, aż wom się tych gupot łodechce, sam się z karja siedniyjcie, bo kartofle bydizecie łobiyrać i ślonksi łobiod rychtować
18. PonBoczek – głos: Aniołku, mom pora pytań do tego łobiodu
19. Anioł: toż pytajecie się ponboczku pytejcie, a diobły wom fajnie łodpowiedzom, ja djobły?!!
20. Djobły kulom się, przytakujom
21. PonBoczek: A bydom to kluski slonskie?
22. Djobły: a dyć bydom ponboczku bydom
23. Ponboczek: ja, to gryfnie, a bydzie to modro kapusta?
24. Djobły a toć a toć bydzie pon bocku zrobiymy
25. Ponboczek : łoooo to jo seie fajnie pojym, ale nie zapomnijcie o zołzie
26. Anioł: Byście jeszcze mogli szpajza zrobić po łobiedzie
27. Djoboł 1: ja ciekawe kiedy, jeszcze cza nudle narychtować i zupa?
28. Anioł: Coś ty to pedzioł? Marudo jedna. Skrobej tam skrobej! Bo ci jeszcze marchwi dociepna.
29. Djoboł 2: Łoberiby lepiej abo majsu.
30. Djoboł 3: cihco bydźcie bo nom się po tych kalfasach pustych dostanie jakom mokrom szmatom. Pócta rolady robić, a gibko.
31. Djobły zrezygnowane: ja idymy, jezdeś ale my wpadli jak śliwka w kompot
32. Anioł: Ja przeca kompotu tyż bych się napoił.
33. Diabły schodzą.
34. Anioł: No  i widzisz, pon Bocku, jak my się to fajnie wymyślyli. Teroz diobły bydom warzić łobiod, a my sie bydziymy leżeć.
35. Ukłony.

„Szport”

Syndzia: Kozdy ślonzok lubi szporty uprawiać.

Piłkorz: Fuzbala je fajno. Ja! Jo się zawsze w niedziela na mecz jada i chopcom kibicuja. Jak fajnie grajom, to im godom: Chopcy, chopcy, fajnie grocie, gole szczylocie, wygrano mocie”. Ale jak źle grajom, to jo im godom: „Chopcy, chopcy łokropnie grocie, bala wom miyndzy nogami ucieyko, idzice lepiej wypić mlyko”. A łoni mie wtedy goniom przez płoty, jak uciekom, to nieroz potargom galoty.

Kolarz: Jo się lubia na kole pojeździć, jada na pole i mom wyścigi i od babow w doma robia wymigi. (nasłuchuje) Ło jezdeś chyba moja baba widza, jo się musza skludzić wartko, bo inaczej dostana jakom mokrom szmatom.

Baba – wlatuje ze szmatom: Gizdzie, tak se po rantach jeździsz, pysk ci się ino śmieje, do dom pryndko, robota Cie szuko!

Kolarz przewraca rower, ucieka, aż się kurzy

Babaeczka bierze rower, wsiada: No, teraz jo się zostaną kolarkom.

Pływak: Jo zaś lubia się popluskać we wodzie. Kraulem pływom, żabom, pieskiym i delfinym. A, toć, jeszcze motylkiym się poradza. Paczcie ino, w kożdyj kałuży się fajnie popluskom! Bul bul bul!

Siatkarz: Eeee, jo tam zaś wody nie lubia! Wola się pociepać bala bez siatka. Pyk, pyk, piłeczka o siateczka. No i gryfnie! Zagrywka i momy punkcik! Jo go zdobył, joooo! A wy ciaproki z drugiyj strony siatki, się uważejcie. No, serwuja!!!

Rolnik: A tam te wasze zawody i szporty! Jo to się mom fajnie, nie musza grać w reprezyntacji, co by się zapałać na olimpiada. I paczcie, ciepia się snopkami jak młotym, gonia na kole za kombajnmym, skokom po przyczepie o tyczce, znaczy z grabiami, pływom po ściernisku, uwijom się na czas i się potym mom dekoracjo medalami, tukej na dożynkach i to przed cołkom gminom!

Lyniuch: Kiedy wy się nauczycie, że nojlepszy szport to łoglondanie meczow w telewizorze!!! Chopy, idźcie z postympym: laptopy, smartfony, te takie ajpody i, kule zapomnił żech, te no – tablety, no ja dyć tablety. Wszyndzie idzie się popaczec na jaki szport. No, jo wiym, przed teltwizorym najlepiej, bo wielki i mo dużo kanałów ze szpotrym. Ino ne zapomnijcie babie kupić drugiygo telewizora, jakby w trakcie meczu chciała paczeć na „M jak miłość”!

 

„Zakochany strach na wroble”

                 

1. Strach stoi na środku: Jaki jo je zakochany, paczcie, tam je tako fajno pyzato dziołcha. Jo się w niyj kochom.
2. Ptok: Kaj ty widzisz jako dziołcha?
3. Strach – pokazuje na dynia: No tak, kole tego majsu sie stoi, za kartoflami.
4. Ptok: Jo tam nic nie widza. Jak łona wyglondo?
5. Jak naoppiykniejszo, nojgryfniejszo, nojfajniejszo babeczka na cołkim swiycie.
6. Ptok: Ja, ale jak wyglondo? Lopisz ja, to może jom zobocza.
7. Strach: Łona jez cołko pomarańczowo. Tako rumiano i pyzato. Jo je chudy, a łona łokronglutko, to bydziymy pasować do siebie. Pacz, j omom sam kwiotek we klapie, dom jej go, jak ino się zrobi romantyczny miesioncek.
8. Ptok: Czy ty godosz ło tyj dyni????? Ty kcwsz dyni dować kwiotek? Tyś chyba chopie łoszaloł.
9. Strach: To je dynia? Nie wierza, łona tak na mie paczi zalotnie i mo takie pulchne licka, jo się musza śniom umówić.
10. Ptok: Chopie, godom Ci, że to je dynia. Dynia!!!
11. Strach: Nie godyj gupot, bo mi syrce złomiesz. Nie rozumiysz zakochanych.
12. Ptok: Dobra, to jo się jyj zapytom, czy łona tyż cie kocho. Pani dyniooooo?! A kocho pani, tego stracha na wróbleeeee?
13. Strach: Coś ty, nie wołej jyj, jo je taki nieuczesany. I żech się jeszcze nie goloł. (wącha się pod pachami) Jezdeś jeszcze się musza łokompać, no jo już się łod zeszłego roku nie kompoł. Czekej, jak się wysztigluja, to jom zawołosz.
14. Ptok: Jo chyba ogupna. Durnoto! To je dynia, ty się musisz zakochać w kimś innym.
15. Strach: Ja, a w kim?
16. Ptok: Pon Bocku, lon niy wiy.
17. Ptok: No w jakiej gryfnyj straszce na wróble. Łona musi być do ciebie podobno. Tyż się nie bydzie czesała, ani się nie bydzie myła, ani tyż golyła. Zwałszcza szłapkow. Bydzie miała poszarpane łoblecynia i połno myszy w kieszyniach.
18. Strach: Ja mosz recht, to je dziołcha z moich marzyń. Jo się z takom chcą  lożynić. I bydymy mieć małe straszki na male wróbelki. Połno izba małych straszkow.
19. Ptok: No widza, żeś zrozumioł.
20. Strach: Ja, terozki rozumia. Ale jedno mie martwi…
21. Ptok: Ja , a co?
22. Czy ta moja dynia nie bydzie zazdrosno!!!
23. Ptok: załamuje rynce i goni stracha.
24. Schodzą.